Servus,

to jo, Berni, sie sam melduja i wszytkich grisuja. Urodziołech sie w Dobrodzieniu a tak po nasymu to we (Gutynie), a tero miyskom łod 1979 roku we okolicach abo peryferiach Hannoveru. Mom kochano żoneczka i dwojga fajnistych dzieci, jedna frechowno Frela i jednego Karlusa, kery sie nie chce za bardzo po ślonsku ucyc ;-). Muzyka mi sie festy ale to festy podobo i to prawie kożdo, to je obojytnie czy ta po Śląsku po Polsku, po Niemiecku, czy tyż po Angielsku, wszystkie spiywki som fajne, kere sam dlo wos na tym nasym rodzinnym radyjku Bercik - Silesia gromy. Wia że bydzie Wom sie tukej u nos podobać, i bydymy sie sam razym na nasych audycjach fajniście bawić, a jo wos już terozki zaproszom do wspólnej zabawy razem z nami Bercikami.
Zaproszom na te wszystkie nase audycje, a jak zechcecie to tyż i na moje pra... ;-)
Was Berni.


Berni@radiobercik.eu

Hallo... to jo wesoło frela, Walcia,

urodziołach se już downo tymu na Ślasku we Wysoce koło Olesna, tam my se fajnie z łojcami, siostrom i bratym żyli. Do szkoły tysz żech chodzioła i wszyskie dobrze skonczoła. We 1970 roku my sie do Toszka przekludziyli, fatry sie tam Piekarnia kupiyli. Tam my ino 7. lot żyli i robiyli a we 1977 roku do rajchu wyjechali. Sam żech sie tyż trocha niemieckiego uczoła, ale przerwała i do roboty se dałach. Teros już po 44 latach roboty je żech na pyndzyji i bardzo szczynśliwo. Jestech żonato i momy jednego syna, lubia warzyć, tańcować, kwiotki i rajze, no i trocha piyc. No i tysz te szykowne stronki na Radyjku Bercik - Silesia dlo wos bastluja. Je żech wesoło frela, ino slypka łotworzam to muzyka gro, - nasze kochane Bercikowe radyjko. We KVBS je żech już 11 lot, i wszystkich zachyncom bo jest z nos wesoły verein. To tela i pozdrowiom wos wszystkich.
... Wasza Walcia.


Walcia@radiobercik.eu

Hallo Witom Wos Berciki,

Urodziołech sie na Ślonskij ziemi w Swietochłowicach na poczontku 60-lot i tam do 10 roku mieszkoł z ojcami i siostrom. We 1971 przekludziyli my sie do Jastrzembia Zdroju i tam żech chodził dali do szkoły a potem robiół Na Grubie “Borynia“. We 1989 wyjechali my z żnom i trzema dziołchami do Rajchu i od tego czasu miyszkomy we Westerwaldzie (Ransbach-Baumbach). Już downo słuchom Radia Bercik Silesia i od pora lot je żech członkem KVBS. Bardzo chyntnie chca dali utrzymywac ślonskie tradycje pomogajonc przy tym naszymu radyjku. Jak boła okazjo kandydowac do zarzondu KVBS to od razu żech sie zgłosioł i zostołech wybrany. Dziynkuja wom za te zaufanie a jo postarom sie moje zadanie wykonywac z uciechom i dobrze.
To tyla ło mie.
Pyrsk,
Peter


Peter@radiobercik.eu

Hallo, witom wos wszystkich,

urodziyłech się dość downo tymu i już nic niy pamięntom ale w papiorach mom napisane, że było to 21 lipca roku pańskiego 1951 w Chorzowie Starym. Jakzech mioł 6 lot, przekludziyli my sie na Helynka wele Zobrza i tam tyż łazioł żech do podstawówki. Tam tyż przezył żech całe moje dziecinstwo i młodziyńcze lata. Potym łazioł żech do Technikum Chemicznego, zas w Chorzowie Starym wele Azot. Piyrwszo moja robota znoloz żech w Browarze w Zobrzu, Potym robiołech w fabryce komputerów na Helynce a potym dugi czas na grubie "Powstance Śląskie" w Bytomiu. W styczniu 1988 przijechołch do Rajchu i tu na stałe mieszkom już kupa lot. Mom sam fajny łogródek i tam pija sobie czasami piwko, ale już niy te z browaru w Zabrzu....
Wasz Janusz


Janusz@radiobercik.eu

Hallo... to jo frela z opolskygo,

Nazywom se Maria ale wszyscy godajom mi Meri, nie wia czymu??? a... juz wia - to tak bardzi po amerykansku. Urodziyłach se 1. grudnia ale ktorygo roku??? było to tak downo, że już zapomniałach. Urodziyłach se i miyszkom w Brozcu. Od nojmodszich lot bardzo lubia muzyka, nasza swojsko, niymiecko i czesko, a jeszcze wiynci szpasu robi mi graniy na radiu. Na piyrszi miejscu jednak w zyciu stawiom moja kochano rodzinka. A jak grom i rozprawiom to na Radiu Bercik, możecie posuchać na co już tera serdecznie zaproszom
... Wasza Meri.


Meri@radiobercik.eu

Witom wszystkich bardzo gorko,

i powiym coś o sobie. Urodziołech sie 15. sierpnia we Chorzowie, tak downo tymu, że mi godajom co ludzie tak długo niy żyjom. Tam tyż zaczynoł żech i konczoł cołko swoja udukacjo. Poza tym grołech we orkiestrze "Huty Kosciuszko" i grom do dzisioj na gitarze i próbuja grać na organach. A wiync jest żech muzykalny. Lubia tyż pisać wiersze, teksty piosynek. I nawet z mojom lepszom połowom nagrali my już pora piosynek. Od trzech lot miyszkom z mojom ukochanom w Oberhausen i stond byda prowadzioł swoje audycje. Ostatnie 20-lot fedrowołech na grubie "Katowice" i juz jestech na pynzyji. Mom dwie piykne córki i trzi sliczne wnusie. No i jest żech szczynsliwie zakochany. Bardzo lubia grać na radiu, bo sprawio mi to ogromno radość, tym bardziej jak moje nutki sprawiajom radość innym. Mom nadzieja kochani że mnie ciepło przijmiecie na tym radiu i że kożdo moja audycja bydzie wom przinosić blank dużo radości. Zaproszom wos serdecznie na radio "Bercik" i na nasze audycje. To by boło na tyla. A wiync, zaproszom do zabawy i na konsolka.


Heniek@radiobercik.eu

Witom pozdrawiom,

Mom na imie Kornelia. Urodziłach sie na śląsku i tyż tu dali miyszkom w takiej miejscowosci Leszczyny. Godom po śląsku ale tyż umia czystą polszczyzną. Lubia muzyka śląsko, niemiecko. Lubia grać i słuchać takiej właśnie muzyki. Jo wszystkich zapraszom na moje audycje i wspólne zabawy na radiu RBS.
Kornelia.

Kornelia@radiobercik.eu

Witom Wos kochane Berciki !!!,

To joł je diobołek z opolskiego, Wmówiyli mi że sie nazywom Celina, bo jako to richtich boło na chrzcie, to nie pamietom, bo bołach za mało. Miyszkom w doma, żeby w zimie mi co nieco nie zmarzło. Dach nad gową mom w Krośnicy , a znajduje sie na środku ogródka. Łod urodzenia mom alergia, nie wiam co to za jako, ale jak słysza muzyka, nogi mi same podskakują. Mom nadzieja że tom alergiom tyż Wołs banda umiała zarajzić. No to życzam Wom dobrej zabawy i wartkiego zarażenio sie.
Celina.

Celina@radiobercik.eu

Witom i pozdrowjom Wszystkich -:),

No i trza by jak tukej już zrobili wszyscy troszka pedzieć ło siebie. Wjync zaczynom - Urodził żech sie 16 listopada w tamtym wieku w Mikołowie a łochrzcili mje mjanami Ludwik - Wiktor i tak zostało do teroz ;-) Jak mi było 7 lot przekludzili my sie na Halymba kaj prziszło mi iść do podstawówki ( niy było innego wyjścio ;-) Potym dalszo edukacja w szkole FSM Tychy - do niy wtajymniczonych Fabryka malucha. Potym wojsko i zmjana roboty na Gruba, konkretnie w 1982 roku na KWK Nowy Wirek ( kedyś Gliniki ) i tak jako slusorz potym przez 20 lot sztajger aż do 2008 roku, w kerym żech to poszoł na pyndzyjo. Łod 2009 roku mjyszkom w Pyrlandi ( Wielkopolska ) a tak bliży to w Kaliszu z żonkom Basiom. Kochom muzyka łod zawsze różny maści. Chciołbych bardzo gorko zaprosić Wos kożdego dnia na Audycje mojich Koleżanek i Kolegów z Ekipy. No i łoczywiście na Wspólne chwile zy mnom na Naszym radyjku życzonc szpasu i Pjykny zabawy.
Wasz Ludwik.

Ludwik@radiobercik.eu

Hallo, ochrzcieli mie Karina ale...,

- w mojim Perso mom napisane Karin i tak mi tysz godajom, chciałach sie wom sam trocha przedstawić, urodziołach sie na ślonski ziemi już poł wieku tymu, a boło to w środku lata ale zima i snieg tysz lubia. Dorostałach we Szombierkach kole Bytomia, a po ukonczeniu edukacji podstawowy i zawodowy wydałach sie i pojechałach do niemiec do Brühl i tu sie żyjemy już ponad 30 lot momy dwoch dorosłych już synkow, mieszkomy sie teraz już sami momy pieska kery bardzo lubi szczekac. Jo od bajtla kochom muzyka i kaj ino jom moga suchać to suchom nawet we robocie, mom nadzieja że udo mi sie tysz wos mojom muzykom zadowolić, a wiec już zapraszom serdecznie na moje audycje.
Waszo - Karin :-).

Karin@radiobercik.eu

Serwus, wito wos Hanzlik,

prywatnie z Bobrka kole Bytomia, tego na Oberschlesien. Na muzyce znom sie dość dobrze, tyż instrumentalnie. Radiowe doświadczynie zdobyłech na studenckim radiu. Grom wszystko co nadaje sie do grania i słuchania. Kiedy byda groł, wejrzyjcie na ramowka, chciołbych gorko wos na moich audycjach powitać. W chwilach wolnych słuchom rocka, bluesa i muzyki progresywnej. Zapraszom goronco na moje audycje po naszymu, po ślonsku i niy yno.

Hanzlik@radiobercik.eu

Witom i pozdrowiom wszystkich,

Halo nazywom sie Usia, urodziołach sie na ślonsku a konkretnie w Zobrzu, tam chodziłach do szkoły, do roboty itd. Tera już mieszkom kupa lot w Koblenz, bardzo lubia suchać roztomajto muzyka i mom nadzieja jak byda ferlać na radioku bydzie wom sie moja muzyczka podobała, no to zaproszom wos serdecznie na moje audycje.
Wasza Usia..

Usia@radiobercik.eu

Witom Wos moji mili,

wołajom mnie Marek i mieszkom obecnie w Hamburgu. Urodziłech sie w XX wieku w Bytomiu. Poznołech też Zabrze i Ruda Sl. bo tam żech też mieszkoł i spyndził moje młode lata zaczym wylondowołech w Hamburgu. Bardzo sie ciesza, że byda móg gościć w Waszych domach z audycjami, na kere Wos serdecznie zaproszom.
Wasz Marek..

Marek@radiobercik.eu

Witom Wos drodzy słuchacze,

Mom na imie Theresa, a godajom mi Tesia. Urodziłach sie na Ślonsku kaś tam pod Tychami. Tam żech chodziła do szkół, potym zolyty, i żech sie wydała. Mom dwoje dzieci frelka i karlusa. W latach 80 -tych wyjechali my do Niymiec i 35 lot mjyszkom na Schweabische Alb we pjyknym Münsingen. Doczekałach sie pynzyji i mom dużo czasu, bez to chca garć dlo wos na Radyjku Bercik - Silesia. Lubia rajzować, pjyc kołocze, i wyndrować po górach i chodzić na spacery ze moim psym. Nojwjyncyj szpasu robi mi ślonsko godka i granie na radiu ślonskie spjywki, ale niy ino. Myśla ze bydymy sie na moich audycjach razym fajnie bawić. Życza wom dużo szpasu na moich audycjach na kiere już serdecznie zaproszom.
Pozdrowiom Wos serdecznie, Tesia.

Tesia@radiobercik.eu

Ahoj!!!,

Menuji se Zdena Peterkowa, jsem porodila
v maju 1823, mieszkalach v ceském rybníku
v Karvinie, ale poslední 110 let mieszkalam Rybnickim rybníku. Jedneho dna uslyszalam krásnou hudbu z rádia plynaco Bercik Silesia - a moc se mi líbí hudba. Prosím hlavu radiostanice Berneho umožňující mi také hrát naši hudbu na vašem rádiu. Všechny posluchaši chci pozvat na mé vysílání jednou za měsíc.
Zdravím a přeji vám skvělou zábavu Peterkowa. Nashle !!!


Peterkowa@radiobercik.eu

Also,

jo je Seba z chorzowa nr cwaj  (Königshütte) tu tyż mieszkom od urodzynio, a boło to 18 luty 1975. Moja pasyjo to komputery tworza stronki i inne bzdety, ogólnie lubia to co robia a to chyba sie liczy. Lubia śląsko kuchnia. Jeżech otwarty na świat i dobrych ludzi. Słuchając radyjoka bercik to łezka w oku, jedna wielko familio, więc postanowiłech sprubować swoich sił. Zapraszom i mom nadzieja że sie spodobo.


Zibi@radiobercik.eu

Parafia Dobrodzień,

Nadajemy w każdą Niedzielę i Święta.
Msza Święta transmitowana o godz. 10:30
z Parafii Św. Marii Magdaleny w Dobrodzieniu.

Dekanat: Dobrodzień
Plac Wolności 4.
46-380 Dobrodzień

Duszpasterze:
Ks. Mariusz Kleman - Proboszcz
Ks. Dominik Mamełka - Wikariusz


Parafia@radiobercik.eu

Nie umiera ten,
kto trwa w sercach i naszej pamięci.

Jak trudno żegnać na zawsze kogoś,
kto mógł być jeszcze z nami…
W żałobie i smutku po śmierci naszego Fredzia,
chcieliby my w imieniu naszego zwionzku KVBS,
łoroz cołkyj Redakcji Radia Bercik - Silesia,
i naszych słuchaczy złożyć dla rodziny i bliskich
wyrazy głębokiego żalu i wyrazy współczucia.

Nie umiera ten,
kto trwa w sercach i naszej pamięci.

Odszedłaś tak szybko...
- a tyle chcieliśmy Ci dać.
Odszedłaś tak szybko...
- a z Twym odejściem przyszedł płacz.
Odszedłaś tak szybko...
- została po tobie pustka, cierpienie i żal.

Jaguś, już nic nie będzie tak jak kiedyś,
czy możemy komuś zaufać tak jak Tobie?
Teraz kiedy stoimy nad Twoim grobem,
i zalani łzami patrzymy w jasny płomień znicza,
wspominamy najpiękniejsze chwile naszego życia.
I gdy czas mija w milczeniu, zadajemy pytanie:
Dlaczego Ty - Krystynko, dlaczego TY?

W żałobie i smutku po śmierci naszyj Krystynki,
chcieliśmy w imieniu naszego zwionzku KVBS,
łoroz cołkyj Redakcji Radia Bercik - Silesia,
i naszych słuchaczy złożyć dla rodziny i bliskich
wyrazy głębokiego żalu i wyrazy współczucia.

Nie umiera ten,
kto trwa w sercach i naszej pamięci.

Cichutko płynie łza po policzku
leciutka jak płatki rózy
dobiegła konca ziemska wedrówka
dlaczego nie trwala dłuzej?

Pielgrzymem byłes na tej ziemi
u Boga dziś twe mieszkanie
krótko swe życie dzieliłeś z innymi
czy coś po Tobie zostanie?

Zostanie miłość, zostanie smutek
i pamięć minionych lat
Ty w sercach naszych na zawsze zostaniesz
dopóki kręcić będzie się świat.

W żałobie i smutku po śmierci naszygo Janka,
chcieliśmy w imieniu naszego zwionzku KVBS,
łoroz cołkyj Redakcji Radia Bercik - Silesia,
i naszych słuchaczy złożyć dla rodziny i bliskich
wyrazy głębokiego żalu i wyrazy współczucia.